XIX asr vakili amerikalik naturalist va rassom Jon Jeyms Odyubonga tegishli «Amerika qushlari» nomli kitobning birinchi nusxasi Chritie’s kim-oshdi savdosida 7,9 million AQSh dollariga sotildi. Auksion uyi uni «dunyodagi eng qimmatbaho kitob» sifatida xaridorlarga tanishtirdi. Bu haqida RIA Novosti axborot agentligi xabar berdi.

Go‘sht mahsulotlarini sevib iste’mol qiluvchilar sog‘lig‘i haqida jiddiy qayg‘uradigan vaqt keldi, shekilli. Shved olimlarining aniqlashicha, muntazam tanovul qilingan birgina sosiska yoki ikki tilim dudlangan cho‘chqa go‘shti oshqozon osti bezi saratonini keltirib chiqarish uchun yetarli ekan. Hatto kam miqdorda texnologik qayta ishlangan go‘sht mahsuloti ham «sokin o‘lim» deya atalmish o‘ta og‘ir kasallikka duchor etishi mumkin.

Frantsiya politsiyasi Parij shahridagi elek­tropoezdlardan birida topib olingan jomadon egasini qidirmoqda. Gap shundaki, poezd vagonlarini ko‘zdan kechirayotgan politsiya xodimi g‘isht shaklidagi 20 kilogramm oltin quymalari joylashtirilgan jomadonga duch kelgan.

Odatda, aqlli kishilarga nisbatan “kallasi kompyuter” degan iborani ishlatamiz. Ayniqsa, “a’lo” baholarga o‘qiydigan o‘quvchi, talabalar teng­qurlari o‘rtasida shunday nom qozonadi. Biz ta’lim olgan dargohda kursdoshimiz Alisherga nisbatan shu ibora qo‘llanilardi. Uning bir necha tillarni bilishi, fanlarni yaxshi o‘zlashtirishi barchaning havasini keltirardi.

2012 yil arzon kompyuterlar davri sifati tarixdan joy oladi, shekilli. Kompyuter texnologiyalari narxi pasayib borayotgani barchaga ma’lum, ammo shunday bo‘lsa-da, bugungi kunga kelib 25-35 AQSh dollariga yangi kompyuter sotib olishni xayolimizga ham keltirmaganmiz.

Braziliyada ikki boshli bola dunyoga keldi. 25 yoshli Mariya-de-Nazare ko‘zi yorishidan bir necha soat oldin ultratovush tekshiruvidan o‘tgach, tug‘ilajak farzandining noraso ekanidan xabar topdi. Shunday bo‘lsa-da, ona go‘dakni saqlab qolishga qaror qildi.

Al Farg`oniy, Ibn Sino, Beruniy, Ulug`bek, Navoiy, Nodira, Uvaysiy... Bu ulug` nomlar qatoriga yana ikki bor Samarqand nomini ham tirkab qo`yish mumkin. Mazkur ketma-ketlikdan mantiq axtarishga shoshilmang. Agar niyatingiz sarhadlari zaminga tutash bo`lsa, suvsiz quduqqa chelak tashlagan bo`lib chiqasiz. Chunki yuqorida zikr etilgan nomlarni  cheksiz fazo birlashtiradi, xolos.

Bir necha kun davom etgan va shiddatli yomg‘ir hamda suv toshqinlarini keltirib chiqargan «Uoshi» nomli tropik to‘fon Filippinning janubiy orollariga katta talafot yetkazdi. So‘nggi ma’lumotlarga qaraganda, tabiiy ofat natijasida qurbon bo‘lganlar soni mingga yaqinlashib qoldi, 49 kishi dom-daraksiz yo‘qolgan.

Chet el ommaviy axborot vositalari amerikalik olimlar Yerga o‘xshash yangi sayyorani kashf etishgani haqida xabar tarqatdi. Sayyora uni izlab topishda qo‘l kelgan «Kepler-22b» teleskopi nomi bilan ataldi. Yerga qaraganda ikki yarim barobar katta bo‘lgan mazkur sayyora o‘z Quyoshiga ega ekan.

To‘kin-sochinlik sharoitida yashayapmiz. Bozoru do‘konlar noz-ne’matga to‘la. Ayniqsa, oziq-ovqat mahsulotlarining turi ko‘p. Kafe, restoran, choyxonalarning soni ham, tarmog‘i ham tobora kengayib bormoqda. Ularda turi milliy taomlar tayyorlanayotgani kishini xursand qiladi.

«Interfaks» tarqatgan ma’lumotlarga qaraganda, Rossiyaning Tobol daryosi tubida o‘tkazilgan tadqiqotlar natijasida ko‘plab qadimgi hayvonlar suyaklari topilgan. Ma’lum bo‘lishicha, g‘ovvoslar suv tubidan bir necha yuz kilogramm mamont, bizon, ot va boshqa hayvonlarning suyaklarini olib chiqishgan.

Braziliya­lik Joao Leyte dos Santosning holiga maymunlar yig‘ladi. Gap shundaki, u hayvonot bog‘idagi maymunlarning jig‘iga tegdi. Natijada qo‘lining bilak va panja qismlaridan jarohat olib, shifoxonaga yotqizildi. Voqea kuppa-kunduzi, hayvonot bog‘i odamlar bilan gavjum paytda sodir bo‘ldi.

«Pulsar» portalida xabar qilinishicha, quyoshdagi kuchli portlash oqibatida yuzaga kelgan va «quyosh dog‘lari» deya nom olgan ulkan jismlarning yaqin kunlarda Yer sayyorasi tomon yopirilish ehtimoli bor. Buning oqibatida sayyoramizda kuchli magnit bo‘roni kuzatilishi mumkin.

So‘nggi yillarda olimlarning izlanishlari natijasida tibbiyot sohasida insoniyat uchun foydali bo‘lgan yangiliklar hayotga tatbiq etildi. Yaqinda Italiya, Serbiya va ispaniyalik olimlar qulupnay alkogol iste’mol qilish natijasida oshqozon shilliq pardasiga yetkaziladigan zarar miqdorini kamaytiradi, degan hulosaga kelishdi.

Nihoyat, dunyo ahli yetti milliardinchi inson qayerda tug‘ilar ekan, degan savolga javob izlab turgan bir paytda uning Rossiyada dunyoga kelgani haqida xabar tarqaldi. Sababi BMTning taxminiy hisob-kitoblariga ko‘ra, aynan 31 oktabr kuni sayyoramiz aholisi rasman yetti milliard kishiga yetishi kutilayotgandi. Albatta, bularning barchasi nisbiy xarakterga ega.

11 mart — Yaponiya, 20 iyul — O‘zbekiston, Qirg‘iziston, 23 avgust — Sumatra oroli, 18 sentyabr — Hindiston, 14 oktyabr — Rossiya, 19 oktyabr — Eron, Sharqiy Timor, 20 oktyabr — Qirg‘izis­ton, 21 oktyabr — AQSh, Yaponiya, Argentina, 23 oktyabr — Turkiya...

Sezib turganingizdek, bu birgina joriy yilning o‘zida yer yuzining turli hududlarida sodir bo‘lgan kuchli yer silkinishlarning eng qisqartirilgan ko‘rinishi. Agar zaminning har bir  tebranishi Rixter shkalasi bo‘yicha qayd etib borilsa, 365 kunda mingdan, yiriklari esa yuzdan oshsa kerak.

Jinoyatchilar AQShning avvalgi prezidenti Jorj Bush qiyofasidagi niqob ostida Sietl shahridagi bankka hujum uyushtirishdi. Voqea Washington Federal moliya idorasi bo‘limlaridan birida sodir etildi. Politsiya xodimi bergan ma’lumotlarga qaraganda, qurollangan ikki yosh yigit bank binosiga bostirib kirib, xodimdan pul talab qilgan. Jinoyatchilar talabi qondirilgach, «Bushlar» voqea joyidan qochib, berkinishgan. Yetkazilgan zarar miqdori hozircha sir saqlanmoqda. O‘g‘rilar esa hali ham qidiruvda.

Butun dunyo ahliga tanilib, muallifiga bir tiyin ham foyda keltirmagan ixtirolardan biri amerikalik Jon Stis Pembertonga tegishli. U 1886 yilning 8 mayida Atlanta shahrining Mariet ko‘chasida joylashgan uyining orqa hovlisida o‘zi yaratgan bosh og‘rig‘i tushkunlik va vasvasani daf etuvchi yangi ichimlikdan tatib ko‘radi. Mis qozonchada qaynatib tayyorlangan qo‘ng‘ir sirop Pembertonga yoqib qoladi. Ana shu oddiygina ichimlik bugun barchaning chanqog‘ini qondirayotgan «Coca-Cola» edi.

(«Isarus» jurnali)

Olimlar «Venus Express» apparati yordamida Venerada ozon qatlami borligini aniqlashdi. Bungacha esa ushbu qatlam Yer sayyorasidan tashqari Marsda ham kuzatilgan edi. «Icarus» jurnalida shu haqda maqola chop etilgan.

Yevropa Ittifoqi Rossiya orqali yetkazib beriladigan Ozarbayjon va Turkmaniston gazini qo‘lga kiritishning uddasidan chiqolmayapti. Shu bois, YEI Rossiyaga energiya ta’minoti yuzasidan tobe bo‘lib qolish ehtimoli kuchaymoqda.

Energetika masalalari bo‘yicha Yevrokomissar Gyunter Ottinger bugungi kunda Yevropa Ittifoqiga kiruvchi davlatlar har yili 500 milliard kubometr gaz iste’mol qilishi va bu ko‘rsatkich 600 milliard kubometrga ortishi bashorat qilinayotgani haqida ma’lumot berdi.